Bazar ertəsi , Aprel 19 2021
Ana səhifə / İdman / Rəcəbov yenidən Aronyana qarşı: Çempion bu gün bilinəcək

Rəcəbov yenidən Aronyana qarşı: Çempion bu gün bilinəcək

Bu gün “Champions Chess Tour” çərçivəsində rapid üzrə onlayn keçirilən “Airthings Masters” turnirinin final mərhələsinin həlledici matçı keçiriləcək.

Final mərhələsinin ikinci matçında Azərbaycan şahmatçısı Teymur Rəcəbov ermənistanlı Levon Aronyanla mübarizə aparacaq.

Ötən gün baş tutan birinci matçda şahmatçımız rəqibini 2,5:1,5 hesabla məğlub edib. İlk üç partiyanı heç-heçə edən təmsilçimiz dördüncü partiyada rəqibi üzərində inamlı qələbə qazanıb.

Qeyd edək ki, noyabrın 23-də “Skilling Open” onlayn turnirdə T.Rəcəbov erməni rəqibini məğlub edib. Dekabrın 30-da turnirin qrup mərhələsi çərçivəsində baş tutan qarşılaşma heç-heçə ilə yekunlaşıb.

“Airthings Masters” turnirinin seçmə mərhələsini 6 xalla beşinci yerdə başa vuran T.Rəcəbov dörddəbir finalda Rusiya təmsilçisi Yan Nepomnyaşinə, yarımfinalda bu ölkənin digər şahmatçısı Daniil Dubova qalib gəlib.

Xatırladaq ki, bu gün başa çatacaq turnirin ümumi mükafat fondu 200 min ABŞ dollarıdır. Qalib 60 min dollar qazanacaq.

Həmçinin oxuyun

Çempionlar Liqasında komanda sayı artırılacaq – Rəsmi

UEFA Çempionlar Liqasında format dəyişikliyini təsdiqləyib. “Report”un məlumatına görə, bu barədə qərar qurumun İcraiyyə Komitəsinin …