Prezident Ronaldonun transferi məsələsinə aydınlıq gətirdi

“Bavariya”nın prezidenti Qerbert Hayner yayda “Yuventus”un hücumçusu Kriştiano Ronaldonu transfer etmələrinin mümkünlüyünə dair yayılan xəbərlərə münasibə bildirib.

Qol.az Almaniya mətbuatına istinadla xəbər verir ki, Münhen klubunun rəhbəri bu məlumatı təkzib edib:“Mediada “Bavariya” ilə bir çox futbolçunun adı hallanır. Bu, normaldır. Ronaldoya gəlincə, o, bizim üçün çox qocadır”.

Xatırladaq ki, 35 yaşlı Ronaldo bu mövsüm klub səviyyəsində 27 oyunda iştirak edib, 22 qol vurub və 3 qolun ötürməsini edib.