Bu gün Azərbaycan Premyer Liqasında 20 günlük fasilə başa çatıb.
Klubların heyətində koronavirusa kütləvi yoluxmaya görə təxirə salınmış 12-ci turun bütün oyunları bu gün keçirilib.
“Qəbələ” doğma meydanda “Qarabağ”ı qəbul edib. Görüş 1:1 hesabı ilə başa çatıb. Digər matçda “Sumqayıt” “Zirə” ilə heç-heçə edib – 2:2. “Səbail” isə səfərdə “Keşlə”yə 2:0 hesabı ilə qalib gəlib.
Günün digər oyununda “Neftçi” “Sabah”la qarşılaşıb və rəqibini 2:0 hesabı ilə məğlub edib. Bu qələbə ilə “Neftçi” liderliyə yüksəlib.