Cümə axşamı , Mart 28 2024
Ana səhifə / İdman / Pedro Enrike: “Sağlam mühit olmasa, oynamaq mümkün deyil”

Pedro Enrike: “Sağlam mühit olmasa, oynamaq mümkün deyil”

“Evdə qalıb qaydalara əməl etməyə çalışıram. Hər kəsin arzuladığı şey meydana çıxmaqdır, amma sağlam mühitin olması vacibdir”.

“Report”un məlumatına görə, bu fikirləri “Sabah” nəşrinə açıqlamasında Türkiyənin “Kayserispor” klubunun futbolçusu Pedro Enrike deyib.

29 yaşlı braziliyalı yarımmüdafiəçi koronavirusa görə evdə də qaydalara riayət etdiyini sözlərinə əlavə edib: “Diqqətli hərəkət edir və forma qalmağa çalışıram. Amma bunlar normal məşqlərə bənzəmir. Dünya olaraq çətin bir dönəmdəyik və heç vaxt belə bir vəziyyətlə qarşılaşmamışıq. Buna görə də mübarizə aparmalıyıq. Edəcəyiniz şey çox sadədir, evdə qalın. Ailənizlə vaxt keçirməyə çalışın. Həm onlarla vaxt keçirəcək, həm də evdə qalaraq hər kəsi qoruyacaqsınız. Bu məsuliyyətə sahib olsaq, həyat daha sürətlə normal vəziyyətinə qayıdacaq. Bunlar olsa, futbol da normallaşa bilər”.

Yarımmüdafiəçi bu vəziyyətlə əlaqədar hər kəsin narahat olduğunu bildirib: “Nə olacağını bilmirik. Türkiyə Futbol Federasiyasını başa düşürəm, qərar vermək çox çətindir. Meydana qayıdıb-qayıtmayacağımızı da demək çətindir. Əlbəttə, hər kəsin arzu etdiyi şey meydana çıxmaqdır. Sağlam mühit olmasa, oynamaq mümkün deyil”.

Qeyd edək ki, Pedro Enrike 2017/2018 mövsümündə icarə əsasında “Qarabağ”da çıxış edib.

Həmçinin oxuyun

Qurban Qurbanov hərəkətlərinə fikir verməyən futbolçunu CƏRİMƏLƏDİ

“Qarabağ” FK-nın son günlər davamlı hal alan aqressivliyi ilə seçilən futbolçusu Elvin Cəfərquliyev baş məşqçi …