“Neftçi”nin məşqçiləri milli komandaya keçdi

“Neftçi” futbol klubunun əvəzedici komandasının məşqçisi Aleksandr Qross və U-17 kollektivinin baş məşqçisi Arslan Quliyev Azərbaycan millisinə dəvət olunublar.

Azinforum.az kluba istinadla xəbər verir ki, milli komandalarda çalışmaları üçün hər iki mütəxəssisin “Neftçi” ilə müqaviləsinə xitam verilib.

Klub rəhbərliyi Aleksandr Qrossa və Arslan Quliyevə klubdakı xidmətlərinə görə təşəkkür edib, gələcək karyeralarında uğurlar arzulayıb.