Bazar ertəsi , May 23 2022
Ana səhifə / İdman / Millimizin legioneri 20 Yanvar şəhidlərini andı: “Rəsmi görüşlərdə bunları unutduracağıq”

Millimizin legioneri 20 Yanvar şəhidlərini andı: “Rəsmi görüşlərdə bunları unutduracağıq”

Dünən oyunun keçiriləcəyi “Martini Plaza”da ilk məşqinə çıxan Azərbaycan millisinin üzvü Qallo açıqlama verib.

Həmin müsahibəni təqdim edirik:
“Bilirəm ki, 20 yanvar Azərbaycan tarixində xüsusi bir gündür. Allahdan bütün şəhidlərinizə rəhmət diləyirəm. Onlar heç vaxt unudulmayacaqlar.
Məşqlərimizə gəldikdə, hər keçən gün daha da yaxşı oluruq. Təbii ki, hamımız Gürcüstanla keçirəcəyimiz oyuna köklənmişik. Son bir həftədə daha intensiv hazırlıq keçmişik. Yoldaşlıq oyunu keçirməyimiz də yaxşı oldu. Zəif tərəflərimizi gördük və qısa vaxtda sürətli şəkildə aradan qaldırmağa çalışırıq.
Komandada əhval-ruhiyyə yaxşıdır. Hamımız çempionat üçün darıxmışıq. Əminəm ki, yaxşı çıxış edəcəyik və uğur qazanacağıq. Bura o məqsədlə gəlmişik. Tapşırığımız məlumdur – minimum vəzifəmiz qrupdan çıxmaqdır.
Məncə, komanda oyunlara hazırdır. Düzdür, qarşıda daha 2 məşqimiz var. İndi ancaq taktiki planda və standartlar üzərində çalışırıq. İşimiz pis alınmır. Hər məşq yaxşı olmaq baxımından bizə kömək edir. Xırda detallar qalıb ki, onu da tamamlayacağıq. Bu əsasən standartlarla bağlıdır.
Avropa çempionatında zəif komanda, rəqib olmur. Bura seçmə mərhələdə güclü olanlar qatılır. Çempionat buna görə digər qitələr üçün də maraqlıdır. Azərbaycan millisinin formasını geyinməkdən, bu komanda ilə uğur qazanmaq üçün mübarizə aparmaqdan məmnunam. Qrupumuzda fərqli oyun üslubuna və gücə malik komandalar yer alıb. Biz keçirdiyimiz son yoldaşlıq oyunlarında yaxşı nəticələr qazana bilməsək də, rəsmi görüşlərdə bunları unutduracağıq.
Çempionatın daha çox komandanın iştirakı ilə keçirilməsi də marağı artıran məqamdır. Futzal bayramı daha çox müddəti əhatə edəcək, Oyunlar arasında fasilə – deməli, bərpa və hazırlaşmaq müddəti də çox olacaq”.

Həmçinin oxuyun

Alim Nəbiyev Azərbaycan çempionu oldu

“Qəbələ”nin kikboksçusu Alim Nəbiyev Azərbaycan çempionu olub. “Qafqazinfo” xəbər verir ki, idmançı kikboksinq üzrə XXVI …