Bazar , Oktyabr 25 2020
Ana səhifə / İdman / Millimizin futbolçusu da Türkiyə çempionu oldu

Millimizin futbolçusu da Türkiyə çempionu oldu

19 yaşadək futbolçulardan ibarət Azərbaycan millisinin “Başakşehir” klubunda çıxış edən üzvü Emre Kaplan Türkiyə çempionu olub.

“Report”un məlumatına görə, yarımmüdafiəçi Superliqanın bərpasından sonra əsas komandaya cəlb edilib.

Buna baxmayaraq, baş məşqçi Okan Buruk gənc oyunçuya şans verməyib. Kaplan “Başakşehir”in iyulun 4-də səfərdə “Antalyaspor”u 2:0 hesabı ilə məğlub etdiyi görüşdə və iyunun 28-də səfərdə “Qalatasaray”la 1:1 hesablı bərabərə qaldıqları matçda ehtiyat oyunçular skamyasında əyləşib.

Beləliklə, o, çempionluq qazanan heyətdə yer alıb. Bu münasibətlə AFFA “Instagram” hesabı vasitəsilə Kaplanı təbrik edib.

Qeyd edək ki, Emre Kaplan ilk olaraq 2019-cu ilin oktyabrında Azərbaycanın U-19 millisinə dəvət alıb.

Həmçinin oxuyun

“Böyük dəbilqə”: Daha 6 cüdoçumuz mübarizəyə başlayır

Budapeştdə keçirilən “Böyük dəbilqə” turnirinin sonuncu yarış günündə Azərbaycanın daha 6 cüdoçusu mübarizəyə başlayır. Məmmədəli …