Cümə axşamı , Mart 28 2024
Ana səhifə / İdman / Millimiz 10 min dollar mükafat fondu olan yarışa qatılacaq – VİDEO

Millimiz 10 min dollar mükafat fondu olan yarışa qatılacaq – VİDEO

Dekabrın 8-9-da Şimali Osetiyanın paytaxtı Vladiqafqazda sərbəst güləş üzrə “Alans” (“Alanlar”) adlı II beynəlxalq turnir keçiriləcək.

Bu yarışda 15 ölkənin – Rusiya, Qazaxıstan, Özbəkistan, Belarus, Azərbaycan, Moldova, Ermənistan, Gürcüstan, ABŞ, İran, Polşa, Monqolustan, Hindistan, Slovakiya və İspaniyanın güləşçiləri mübarizə aparacaq.

İştirakçılar arasında Olimpiya çempionlarının iştirakı gözlənilir. Hər çəki dərəcəsi üzrə mükafat fondu 10 min dollar təşkil edir. Qalibə 5 min, gümüş medalçıya 2 min və bürünc medalçılara, eləcə də qızıl medal qazananın məşqçisinə min dollar pul veriləcək.

Əldə etdiyimiz məlumata görə, millimiz orda üç idmançı ilə təmsil olunacaq. Bunlardan biri 92 kq-da güləşəcək Olimpiya çempionumuz Şərif Şərifovdur. Digər iki güləşçi isə Dağıstandan olan legionerlərimizdən olacaq.

Qeyd edək ki, “Alanlar” turniri ilk dəfə ötən ilin noyabrında keçirilib. 12 ölkənin güləşçiləri arasında Şərif Şərifov, İtaliyanı təmsil edən əslən Kubadan olan ikiqat dünya çempionu Frank Çamiso və Rusiya güləşinin çox sayda ulduzu olub.

Xatırladaq ki, Şərif Şərifov (-97 kq) ötən il bu turnirin finalında osetin Vladislav Baytsayevə uduzub.

Həmçinin oxuyun

Azərbaycan millisinin üzvləri böyük məbləğdə mükafatdan məhrum oldular

Azərbaycan milli komandasının bu gün Bolqarıstanla keçirilən matçı üçün futbolçulara böyük məbləğdə pul mükafatı vəd …