Çərşənbə axşamı , Yanvar 26 2021
Ana səhifə / İdman / Məsut Özil “Fənərbaxça” ilə 3,5 illik müqavilə bağlayacaq

Məsut Özil “Fənərbaxça” ilə 3,5 illik müqavilə bağlayacaq

“Arsenal”ın yarımmüdafiəçisi Məsut Özil “Fənərbaxça”nın formasını geyinməyə hazırlaşır.

Apasport.az xəbər verir ki, bu iddia ilə Türkiyə mətbuatı çıxış edib.

DHA-nın məlumatına əsasən, “sarı-lacivərdlilər” uzun müddətdir israrla heyətinə qatmağa çalışdığı Almaniya millisinin sabiq üzvü ilə ortaq məxrəcə gəlib. İddiaya görə, Özil İstanbul təmsilçisi ilə 3,5 illik müqavilə imzalamağa razılıq verib.

“Arsenal” da müqavilə müddəti mövsümün sonuna qədər olan oyunçusunu yola salmaqda maraqlıdır. Hətta “topçular”ın son 6 aylıq maaşın yarısını qarşılamağa hazır olduğu da vurğulanıb. O da əlavə olunub ki, bu transferdə “Fənərbaxça” azarkeşi olması ilə tanınan iş adamı Acun İlıcalı böyük rol oynayıb.

Qeyd edək ki, Məsut Özil ABŞ-ın “DS Yunayted” klubunun da diqqət mərkəzindədir.

Həmçinin oxuyun

Yaponların əksəriyyəti Tokio Olimpiadasının ləğvini dəstəkləyir

Yaponların təxminən 86%-i hesab edir ki, koronavirus pandemiyasına görə bu yay Tokioda Olimpiya oyunlarını keçirmək …