Çərşənbə axşamı , Mart 19 2024
Ana səhifə / İdman / “İşə davam edirik” – Millimizin baş məşqçisi

“İşə davam edirik” – Millimizin baş məşqçisi

19 yaşadək futbolçulardan ibarət Azərbaycan millisi Avropa çempionatının elit-raund mərhələsinə Rusiya ilə heç-heçə edərək başlayıb.

0:0 hesabı ilə başa çatan qarşılaşmadan sonra Yenicag.az-a açıqlama verən yığmamızın baş məşqçisi Vüqar Məmməd rəqiblər barədə danışıb:

“Elit-raundda Avropanın ən yaxşı komandaları mübarizə aparır. Turnirin özü çox səviyyəlidir. Burada zəif komanda yoxdur. Biz də bu turnirə yaxşı hazırlaşmışıq. Hər bir komandaya hörmətlə yanaşırıq. Rusiya və İrlandiya milliləri qrupunun lideri kimi elit-raunda vəsiqə qazanıblar. Rumıniya millisi Bolqarıstanda çətin səfər qrupundan 2-ci yeri tutaraq elit-raunda vəsiqə qazanıb. Çox çətin yarış gözlənilir. Rəqiblər haqqında məlumatımız var. İşə davam edirik. Biz də maraqlı komandayıq, çox yaxşı və müxtəlif stildə oynayan futbolçularımız var. Rəqiblərimiz üçün də bizimlə oynamaq çətin olacağını düşünürəm. Azərkeşlərimizi sevindirmək və növbəti mərhələyə çıxmaq üçün əlimizdən gələni edəcəyik”.

Həmçinin oxuyun

Güləşçilərimiz turnirdə 10 medal qazanıblar

Güləş üzrə Azərbaycan millisi Türkiyənin Antalya şəhərində keçirilən “Çempionlar” turnirini 10 medalla başa vurub. Azərbaycan …