Cümə axşamı , Dekabr 3 2020
Ana səhifə / İdman / İdmançılara ali təhsildə güzəşt – Təklif

İdmançılara ali təhsildə güzəşt – Təklif

Azərbaycanda idmançı gənclərə ali təhsil müəssisələrində təhsil güzəştlərinin edilməsi təklif olunur.

Milli Məclisin Gənclər və idman komitəsinin sədri Fuad Muradov bildirib ki, idmançı gənclər idmanla məşğul olmaq və ya təhsil almaqla bağlı seçim qarşısında qalırlar:

“Azərbaycanda gənclərin ali idman təhsili almaq üçün ancaq bir imkanları var, bu da Azərbaycan Dövlət Bədən Tərbiyəsi və İdman Akademiyasıdır. Bir sıra ölkələrdə idman sahəsində nailiyyətləri və idmana böyük marağı olan gənclərə ali təhsil müəssisələrində güzəştlər edilir. Məsələn, ali təhsil müəssisələrində idmançı gənclərə yerlərin ayrılması ilə bağlı illik kvota qoyulur. Onlar ümumi imtahan verərək ali təhsil almaq imkanı qazanırlar. Biz Komitə olaraq təklif edəcəyik ki, Azərbaycanda universitetlərdə idmanla məşğul olan gənclərin təhsil almaq imkanı əldə etmələri üçün müəyyən kvota ayrılsın”.

F.Muradov hesab edir ki, bu yolla gəncləri idmana həvəsləndirməklə gələcəkdə onların yaxşı idmançı olmalarına şərait yaratmaq olar.

Həmçinin oxuyun

Qurban Qurbanov niyə Ağdama getməyib?

“Qarabağ”ın baş məşqçisi Qurban Qurbanov Azərbaycan Premyer Liqasının XI turunun “Səbail”lə səfər oyununda texniki zonada …