Bazar ertəsi , Noyabr 30 2020
Ana səhifə / İdman / “İdman TV”nin şərhçisi Türkiyədə gündəm oldu (VİDEO)

“İdman TV”nin şərhçisi Türkiyədə gündəm oldu (VİDEO)

Türkiyə millisi ötən axşam “AVRO-2020″nin seçmə mərhələsində növbəti oyununu keçirib.
Qaynarinfo xəbər verir ki, qardaş ölkə millisi səfərdə Fransa ilə qarşılaşıb. Hamı bu oyunda meydan sahiblərinin asan qələbə qazanacağını proqnozlaşdırsa da, “ay-ulduzlular” çətin səfər oyunundan bir xalla qayıda bilib.
Hesabı 76-cı dəqiqədə meydan sahiblərindən Oliver Jiru açıb. 82-ci dəqiqədə isə Türkiyə millisindən Kaan Ayhan bərabərliyi təmin edib – 1:1.
Hesab bərabərləşən zaman “İdman TV”də oyunun şərh edən Ramiz Mirzəzadənin qol sevinci Türkiyə mediasının da diqqətindən yayınmayıb. “Fanatik.com” saytı həmin epizodun videosunu “Kaan Ayhanın qolunu bir də belə izləyin! Azərbaycanlı şərhçi çıldırdı…” başlığı ilə yayımlayıb. 
Qeyd edək ki, Türkiyə və Fransa milliləri 8 turdan sonra 19 xal toplayıb. Türklər top fərqinə görə ilk pillədə qərarlaşıb. 

Həmçinin oxuyun

Qurban Qurbanov niyə Ağdama getməyib?

“Qarabağ”ın baş məşqçisi Qurban Qurbanov Azərbaycan Premyer Liqasının XI turunun “Səbail”lə səfər oyununda texniki zonada …