Çərşənbə , Oktyabr 28 2020
Ana səhifə / İdman / “Gilan Kuboku”nun qalibi məlum oldu – FOTOLAR

“Gilan Kuboku”nun qalibi məlum oldu – FOTOLAR

Bu yayın ən mötəbər və yadda qalan, şirkətlərarası “Gilan Kuboku” mini futbol turnirinin final mərhələsi başa çatdı. İlk turdan maraqlı oyun sayəsində çempionatın favoritlərinə çevrilən və finala adlarını yazdıran “Gilan Holding” və “Azərsun Holding” komandaları arasında sona kimi davam edən gərgin mübarizə, 2:1 hesabı ilə “Azərsun Holding” komandasının qalib gəlməsi ilə nəticələndi. 

“Gilan Kuboku”nda 3-cü yer uğrunda görüş isə, 3:0 hesabı ilə “FAB Boya” komandasının “Kapital Bank” komandası üzərində qələbəsi ilə yekunlaşdı. 

Beləliklə, Azərbaycanın iqtisadı inkişafına töhfə verən, qabaqcıl şirkətlər arasında dostluq əlaqələrin möhkəmlənməsi ilə nəticələnən “Gilan Kuboku” mini futbol turnirin qalibi olan “Azərsun Holding” komandası 10,000 AZN məbləğində mükafat ilə təltif olundu. 

Turnirdə ikinci yer tutan “Gilan Holding” komandasına 5,000 AZN, 3-cü yerin sahibi “FAB Boya” komandasına isə 3,000 AZN məbləğində mükafat verildi. Bundan əlavə, qalib komandalarının oyunçularına medallar, sertifikatlar və hədiyyələr təqdim olundu.

Xatırladaq ki, “Gilan Holding” tərəfindən keçirilən, 28 may Respublika Gününə həsr olunan “Gilan Kuboku” ölkədə fəaliyyət göstərən bir sıra şirkətlərin böyük marağına səbəb olaraq, turnirdə iştirak ilə əlaqədar çoxlu sayda müraciətlər edilmişdir. Turnirin reqlamentinə uyğun olaraq, 16 komanda “Gilan Kuboku”nda iştirak hüququ qazanmışdır.

Həmçinin oxuyun

“Neftçi”nin legioneri ilk dəfə milliyə çağırıldı

Afrika Millətlər Kubokunda Çad yığması ilə qarşılaşacaq Qvineya seçməsinin heyəti açıqlanıb. “Report” Qvineya Futbol Federasiyasının rəsmi …