Bazar ertəsi , Sentyabr 28 2020
Ana səhifə / İdman / Fransa Super Kubokunun qalibi müəyyənləşdi (VİDEO)

Fransa Super Kubokunun qalibi müəyyənləşdi (VİDEO)

Fransa Super Kuboku uğrunda oyun keçirilib.

Qaynarinfo xəbər verir ki, Liqa 1-in qalibi PSJ və Fransa Kubokuna sahib çıxmış “Renn” arasında oyun Çinin Şençjen şəhərində baş tutub.
“Lungan – Universiad Sports Center” stadionunda təşkil olunmuş qarşılaşma Paris təmsilçisinin qələbəsi ilə yekunlaşıb – 2:1. Hesabı 13-cü dəqiqədə “Renn”in yarımmüdafiəçisi Adrien Enu açıb. 57-ci dəqiqədə Kilian Mbappe bərabərlik qolunu vurub. Oyunda son nöqtəni isə 73-cü dəqiqədə Angel Di Mariya qoyub.
Beləliklə, PSJ 9-cu dəfə Fransa Super Kubokunu qazanıb. “Renn” isə yalnız bir dəfə – 1971-ci ildə bu titula sahib çıxıb.
Qeyd edək ki, Fransa Kubokunun finalında da PSJ və “Renn” qarşılaşıb. Oyunun əsas və əlavə vaxtı 2:2 hesabı ilə başa çatıb, penalti seriyasında isə “Renn” qələbəni bayram edib.

Həmçinin oxuyun

“Mançester Yunayted” final fitindən sonra penalti qazanıb

Futbol üzrə İngiltərə Premyer Liqasında III tura start verilib. “Report” xəbər verir ki, turun açılış …