Bazar ertəsi , İyun 21 2021
Ana səhifə / İdman / Cüdoçularımız “Böyük dəbilqə”ni 1 medalla başa vurdu

Cüdoçularımız “Böyük dəbilqə”ni 1 medalla başa vurdu

İsrailin paytaxtı Təl-Əvivdə keçirilən cüdo üzrə “Böyük dəbilqə” turnirinə yekun vurulub.

“Qafqazinfo” xəbər verir ki, turnirin üçüncü günündə kişilərin yarışında 90 kiloqram çəki dərəcəsində mübarizə aparan Məmmədəli Mehdiyev bürünc medal uğrunda görüşdə gürcüstanlı Beka Qviniaşviliyə məğlub olub. Komandamızın digər üzvü Zelim Kotsoyev (100 kq) də bürünc medal şansını əldən verib. Belə ki, o, üçüncü yer uğrunda qarşılaşmada rusiyalı Niyaz İlyasova uduzub. Hər iki cüdoçumuz beşinci yerlə kifayətlənməli olub.

Beləliklə, turnirə 15 cüdoçu ilə qatılan komandamız yarışı bir qızıl medalla başa vurub. Cüdoçularımızdan 60 kiloqram çəki dərəcəsində mübarizə aparan Davud Məmmədsoy bütün rəqiblərini məğlub edərək turnirin qalibi olub.

Yarışda 60 ölkədən 400-dən çox idmançı mübarizə aparıb.

Həmçinin oxuyun

Şenol Güneş: “Mən futbolçulara inanıram, Türkiyə də inansın”

“Məyusuq, çünki bu turniri uzun müddət gözləyirdik. Gözəl nəticələrlə tarix yazmaq istəyirdik”. Bu fikirləri Türkiyə …