“Əlbəttə, sevindirici haldır. Çempionluğu daha əvvəl rəsmiləşdirməyimizə baxmayaraq, yenə də sevinirik”.
Modern.az xəbər verir ki, bu sözləri Azərbaycan Premyer Liqasının 28-ci turunun “Neftçi” ilə oyunundan (3:2) sonra “CBC Sport”a açıqlamasında “Qarabağ”ın baş məşqçisi Qurban Qurbanov deyib.
Çempionluğu şərh edən təcrübəli mütəxəssis bugünkü qarşılaşma ilə bağlı da qısaca fikirlərini bildirib:
“Oyuna ciddi hazırlaşmışdıq. Təkcə qalib gəlmək yox, azarkeşlər üçün yaxşı futbol göstərmək istəyirdik. Futbolçular bunu bacardılar. Rəhbərliyi, azarkeşlərimizi təbrik edirəm. Həmçinin, “Neftçi”ni də. Yaxşı mübarizə apardılar. Bizim üçün asan olmadı”.