Bazar ertəsi , İyun 14 2021
Ana səhifə / İdman / Azad Rəhimov 14 yaşlı qalib şahmatçı ilə görüşdü

Azad Rəhimov 14 yaşlı qalib şahmatçı ilə görüşdü

“Bizim əsas məqsədimiz Azərbaycanı dünyaya şahmat ölkəsi kimi tanıtmaq və dünya şahmat reytinqində ilk onluğa düşməkdir. Moskvada keçirilmiş “Aeroflot Open-2020″ beynəlxalq şahmat turnirində sənin, 14 yaşlı şahmatçının qalibiyyəti hər birimizin sevinçinə səbəb olmaqla bərabər, eyni zamanda, bizə böyük qürur hissi yaşatdı. Biz bundan sonra da sənin inkişafın üçün daim dəstək göstərəcək, səni qoruyacağıq”.

Bunu Gənclər və İdman naziri Azad Rəhimov “Aeroflot Open-2020” beynəlxalq şahmat turnirin 14 yaşlı qalibi Aydın Süleymanlı ilə görüşündə deyib.

Nazir Aydının qələbəsindən sonra artıq 2 şirkətin ona sponsurluq etmək arsunuda olduğunu da diqqətə çatdırıb və bundan sonra şahmatçının məşqləri və gələcək inkişafı üçün nazirlik və Federasiya tərəfindən hər bir dəstəyin göstəriləcəyini bildirib.

Görüşdə Beynəlxalq Şahmat Federasiyasının (FIDE) vitse-prezidenti Mahir Məmmədov, eyni zamanda, Aydın Süleymanlının atası və şəxsi məqqçisi də iştirak ediblər.

Diqqət və qəbul üçün nazirə təşəkkür edən Aydın Süleymanlı qalibiyyəti, oyunun gedişi, rəqibləri və gələcək planları və məşqləri haqqında danışıb.

A.Süleymanlı Azərbaycan çempionatına da xüsusi hazırlaşdığını bildirib, “Aeroflot Open-2020” beynəlxalq şahmat turnirindəki qələbəsini, bu yarışda da təkrarlayacağına çalışacağını söyləyib.

Həmçinin oxuyun

Zabit Səmədov “Quduz it”ə belə qalib gəldi – VİDEO

Azərbaycanın məşhur kikboksçusu və qarışıq döyüş növləri (MMA) ustası, “Mauqli” ləqəbli Zabit Səmədov iki illik …