Azərbaycanda oynamış futbolçu Ermənistan klubuna keçdi

“Səbail”, “Sabah” və “Keşlə” klublarının sabiq futbolçusu Yevgeni Koçuk Ermənistanın “Pünik” komandasına keçib.

Belə ki, moldovalı yarımmüdafiəçi ilə müqavilə imzalanıb.

Müqavilənin müddəti və digər detalları açıqlanmayıb.

Qeyd edək ki, Yevgeni Koçuk 2018-2019-cu illərdə “Səbail”in, 2020-ci ildə “Sabah”ın, 2021-ci ildə isə “Keşlə”nin formasını geyinib. 29 yaşlı oyunçu son olaraq, ölkəsinin “Zimbru” klubunda çıxış edib.