Bu gün Azərbaycanın futbol üzrə milli yığması UEFA Millətlər Liqasında həlledici oyuna çıxacaq.
Milli komandamız Millətlər Liqasının qrup mərhələsinin sonuncu – VI turunda Kosovo komandasının qonağı olacaq.
Priştinadakı “Fadil Vokrri” stadionunda baş tutacaq görüş Bakı vaxtı ilə saat 23:45-də başlayacaq.
Qeyd edək ki, Qurban Qurbanovun rəhbərlik etdiyi millimiz hal-hazırda 9 xalla ikincidir. Rəqibimiz Kosova yığması isə 11 xalla birincidir.
Xatırladaq ki, millimiz qrup qalibi kimi C liqasına və pley-offa yüksəlmək üçün səfərdə mütləq qalib gəlməlidir. Əks halda, komanda yeni təsis edilən yarış vasitiəsi ilə AVRO-2020-yə vəsiqə qazana bilməyəcək. (Sputnik)