Çərşənbə axşamı , Oktyabr 20 2020
Ana səhifə / İdman / Azərbaycanlı idmançı dünya çempionunu məğlub etdi – VİDEO

Azərbaycanlı idmançı dünya çempionunu məğlub etdi – VİDEO

Türkiyənin Antalya şəhərində keçirilən MMA üzrə “Fight Night Global” turniri çərçivəsində döyüş gecəsi baş tutub.

Keçirilən yeddi görüş arasında azərbaycanlı idmançı Elnar İbrahimovla pankration, qrapplinq və həvəskar MMA üzrə tacikistanlı dünya çempionu Akmalcon Mamurovun da döyüşü olub.

Yarımyüngül çəkidə (-65,77 kq) mübarizə aparan idmançımız yekunda hakimlərin qərarına əsasən qalib elan edilib. Bu, Elnarın peşəkar MMA karyerasında 20-ci döyüşü olub. O bunlardan 16-da qalib gəlib.

Yeri gəlmişkən, Rusiyanın paytaxtı Moskvada “Fight Night Global” turnirinin yüngül çəkidə çempionu olan Nəriman Abbasov və Elnar İbrahimov artıq Bakıya qayıdıb. Onları Heydər Əliyev Hava Limanında idmançı dostları qarşılayıb.

Qeyd edək ki, hər iki idmançının məşqçisi tanınmış idmançımız Şəhriyar Abbasovdur. oxu.az

Həmçinin oxuyun

“Qalatasaray”dan Azərbaycana növbəti dəstək – FOTO

Türkiyənin “Qalatasaray” klubu Azərbaycan Ordusunun Qarabağda həyata keçirdiyi uğurlu hərbi əməliyyatlara növbəti dəfə öz dəstəyini …