Şənbə , Sentyabr 21 2019
Ana səhifə / İdman / Azərbaycan Premyer Liqası: Sonuncu pillədəki komanda dəyişib

Azərbaycan Premyer Liqası: Sonuncu pillədəki komanda dəyişib

Futbol üzrə Azərbaycan Premyer Liqasında XXIII tura start verilib.

“Report” xəbər verir ki, həftənin açılış matçında “Sumqayıt” “Keşlə”ni qəbul edib. “Kapital Bank Arena”da baş tutan görüşdə hesabı meydan sahibləri açıb. Matçın 4-cü dəqiqəsində Peyman Babayi fərqlənib. Oyunun 40-cı dəqiqəsində Samir Məsimov bərabərlik topunu vurub. Qarşılaşmanın 85-ci dəqiqəsində isə Cavid Tağıyev “Sumqayıt”ın qələbə qolunun müəllifi olub – 2:1.

Bu qalibiyyətdən sonra xalını 20-yə çatdıran “Sumqayıt” “Keşlə”ni keçərək sonuncu pillədən qurtulub. Axırıncı – 8-ci yerə düşən paytaxt təmsilçisinin isə 19 xalı var.

Qeyd edək ki, XXIII tura bu gün keçiriləcək “Neftçi” – “Zirə”, eləcə də aprelin 7-də baş tutacaq “Qəbələ” – “Qarabağ” və “Sabah” – “Səbail” oyunları ilə yekun vurulacaq.

Həmçinin oxuyun

Qadın güləşçilərimiz dünya çempionatında 8-ci oldu

Qazaxıstanın paytaxtı Nur-Sultanda təşkil olunan dünya çempionatında qadın güləşçilərin yarışına yekun vurulub. Azvision.az xəbər verir ki, …