Bazar , Sentyabr 22 2019
Ana səhifə / İdman / “Ailə problemlərim artıq heç kimə sirr deyil”

“Ailə problemlərim artıq heç kimə sirr deyil”

“Qarabağ”ın futbolçusu Mahir Mədətov soyadını dəyişməsi ilə bağlı məsələyə aydınlıq gətirib.

Belə ki, Mahir “Report”a müsahibəsində sosial şəbəkələrdə paylaşılan yeni şəxsiyyət vəsiqəsinin onun özünə məxsus olduğunu deyib.

“Ailə problemlərim artıq heç kimə sirr deyil. Babamın adı Emrelini özümə soyad götürmüşəm. Bu, anamın soyadı deyil. Babam yarı avar, yarı azərbaycanlı olub. Ailəmizdə bu soyad bir dayım oğlunda, bir də məndədir”. 

Mahir atası Anar Mədətovla anası Elnurənin ayrılmasının gələcəkdə karyerasına hər hansı təsirinin olmayacağını bildirib: “Mənim vəzifəm anamın, bacımın yanında olmaq idi. Bundan sonra da belə olacaq. Onlara sahib çıxmalıyam. Sadəcə, hər şey ani olduğu üçün şok keçirdim. Anam və bacım gözlərini mənə dikiblər, onlar üçün çox vacibəm. Eləcə də onlar mənim üçün. Çalışıram ki, öz işimlə onları da sevindirim. Qızıl medalı da, çempionluğu da, bombardirliyimi də – hər şeyi onlara həsr edirəm”. 

Futbolçu bundan sonra formasında soyadının yazılmayacağını deyib: “Sadəcə Mahir. Artıq soyad məsələsini unudaq”. 

Xatırladaq ki, prodüser Anar Mədətov həyat yoldaşından boşanmamış vizajist Samirə Abbasova ilə evlənib. Bu hadisədən sonra Mahir “Mədətov” soyadını “Emreli” olaraq dəyişib. Azvision.az 

Həmçinin oxuyun

Premyer Liqa: “Neftçi” “Keşlə”yə qarşı

Azərbaycan Premyer Liqasında 5-ci turun oyunları davam edir. Bu gün daha bir görüş baş tutacaq. …