Ana səhifə / Gündəm / Yanan bina ilə “MTN işi” arasındakı bağlılıq nədir?

Yanan bina ilə “MTN işi” arasındakı bağlılıq nədir?

Bu günlərdə “MTN işi” ilə bağlı başlanılan cinayət işi üzrə ibtidai istintaqın müddəti növbəti dəfə iyunun 17-dək uzadıldı. İstintaqın iyundan sentyabra, sentyabrdan ilin sonuna kimi uzadılacağı da gözləniləndir. Yada salaq ki, cinayət işi üzrə istintaqın başlanması barədə qərar 2015-ci il oktyabrın 17-də verilib. Cinayət işi üzrə istintaq Baş Prokurorluğun Ağır Cinayətlərə Dair İşlər üzrə İstintaq İdarəsi tərəfindən həyata keçirilir. Bu günə qədər iş üzrə 20 nəfərdən çox şəxs həbs edilib. “Akula Akif” kimi tanınan Akif Mustafayev iş üzrə axtarışdadır. MTN-in Əməliyyat-Texniki İdarəsinin sabiq rəisi, general-mayor Natəvan Mürvətova isə ev dustağıdır.

“ Azinforum.az ” xəbər verir ki, “Yeni Müsavat” bu mövzuda yazır ki, Baş Prokurorluğun “MTN işi” ilə bağlı yaydığı məlumata görə, bir müddət əvvəl ləğv edilmiş Milli Təhlükəsizlik Nazirliyinin (MTN) ayrı-ayrı vəzifəli şəxsləri tərəfindən vəzifə səlahiyyətlərindən sui-istifadə etmə və vəzifə səlahiyyətlərini aşma faktları ilə bağlı cinayət işi üzrə zəruri istintaq-əməliyyat tədbirləri davam etdirilir.

Keçmiş Milli Təhlükəsizlik Nazirliyinin əməkdaşlarının törətdiyi cinayət əməlləri nəticəsində hüquqları pozulmuş 57 nəfər zərərçəkmiş şəxs qismində tanınıb. Onlara dəymiş ziyanın ümumi məbləğinin on milyonlarla manat olduğu müəyyən edilib.

Qəzet yazır ki, “MTN işi”nin 19 vəzifəli şəxsin həbsi ilə məhdudlaşmasının ilginc səbəbi haqda məlumat alıb. Redaksiyaya daxil olan məlumatda deyilir ki, iş üzrə şikayətçilərin sayı yüzlərlə olsa da, istintaqçılar şikayət obyekti olan vəzifəlilərin bir çoxunu söhbət edib yola salmaqla kifayətlənməli olurlar. İstintaqa söhbətə çağırılan belə şəxslərdən biri açıq tekstlə “kimə nə vermişəm, deyərəm” söyləyib. Bildirib ki, həbs olunsa, məsələni ictimiləşdirməkdən də çəkinməyəcək və israr edəcək ki, ifadələri olduğu kimi dindirmə protokollarında əks olunsun. Odur ki, həmin şəxsin qoluna vurulmaq üçün hazırlanan qandalları bir kənara tullamalı olublar. İttihamnaməyə də qandalların yanında yer tapılıb.

İstintaq Təcridxanasının rəisi işdən çıxarıldı və…

Xatırladaq ki, MTN-də keçirilən məlum əməliyyatdan sonra prezidentin fərmanı ilə qurum ikiyə bölünməklə faktiki ləğv olundu və “təmizləmələr” başlandı. Eldar Mahmudova yaxın kadrlar MTN-dən uzaqlaşdırılaraq istintaqa cəlb olundular. Aldığımız məlumata görə, ən son işdən çıxarılanlardan biri də uzun illər MTN-in İstintaq Təcridxanasının rəisi olmuş Zaur Bənnayevdir. Bənnayev Eldar Mahmudovun göstərişi ilə günahsız insanların qurumun təcridxanasına salınmasına şahidlik edib. MTN-in digər vəzifəlilərindən fərqli olaraq təcridxana rəisi “MTN işi” üzrə istintaqdan kənarda qala bilib. Bu, Z.Bənnayevin baş verənlərə qarışmaması ilə izah edilir. Digər tərəfdən, rəis işlədiyi dövrdə Z.Bənnayevin MTN təcridxanasından yolu düşən məşhurlar, onların qohumları, yaxınları haqda mübhəm məlumatlarla tanış olma imkanları yaranıb. Belə xəbər də var ki, bu məlumatlar son nəticədə onun “MTN işi” üzrə istintaqdan kənarda qalmasına gətirib çıxarıb.

Çovdarovun əmlaklarına həbs qoyulub

MTN-in odioz fiqurlarından biri olan Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun evlərinə və obyektlərinə həbs qoyulub. Badamdar qəsəbəsi “Kempinski” hoteli yaxınlığında Çovdarova məxsus olan 3 villaya artıq onun yaxınları daxil ola bilmir. Bu barədə informasiyanı moderator.az-a eks generalın qonşuları verib. Akif Çovdarovun vəkili Sadiq Rəsulov deyilənlər barədə heç bir açıqlama vermək istəməyib.

Yanan bina işi “MTN işi”nə birləşdirilə bilərmi?

Binəqədi rayonu ərazisində yanan bina işi ilə “MTN işi”nin birləşdirilməsi haqda zaman-zaman məlumatlar yayılıb. Həmin məlumatlarda bildirilir ki, “MTN işi”nin 2015-ci ilin mayında Azadlıq prospektində 16 nəfərin ölümü ilə nəticələnən yanğın arasında əlaqə var. Son məlumatlara görə, yanğınla bağlı istintaq yekunlaşıb məhkəməyə göndərilməli olsa da, “MTN işi”nə görə bu məsələ saxlanılıb. Yada salaq ki, Abid Şərifov hadisədən təxminən 2 ay sonra bildirib ki, istintaq 10 günə yekunlaşacaq. İddia olunur ki, yanğın hadisəsinin “kredit qalmaqalı” ilə eyni vaxta təsadüf etməsi hakimiyyətin zirvəsində şübhələrə səbəb olub.

Ona görə də istintaqın hərtərəfli aparılması, bütün versiyaların, şübhələrin yoxlanılması tapşırılıb. “MTN işi” isə bu məsələyə diqqəti daha da artırıb. “Azadlıq” qəzeti yazır ki, baş verənlərdə MTN-dəki şəbəkənin rolu olub-olmadığı ciddi şəkildə araşdırılır. İddialara görə, yanğın hadisəsinə görə həbs edilən “Global Construction” şirkətinin rəhbəri Miryusif Mahmudov istintaqa ifadəsində MTN-lə bağlı da hansısa faktlar açıqlayıb. Bizdə Miryusif Mahmudovun konkret hansı faktları açıqladığı barədə dəqiq bilgi yoxdur. Lakin o bəllidir ki, həbsdə olan iş adamı yanğınla “MTN işi” arasında əlaqəyə dair bəzi ilginc detalları açıqlayıb.

Baş prokuror yanında Korrupsiyaya qarşı Mübarizə Baş İdarəsində (KQMBİ) 2015-ci ildə görülən işlərlə bağlı mətbuat konfransı keçirilib. İdarə rəisi Kamran Əliyev bildirib ki, “MTN işi” ilə bağlı KQMBİ-də araşdırma aparılmır. Baş İdarədə Rabitə Nazirliyinin vəzifəli şəxslərinin işi üzrə araşdırma aparılır.

Həmçinin oxuyun

Ermənilər Qazaxla sərhəddən getmək istəmirlər – VİDEO

Azadlıq Radiosu Qazaxla sərhəddə yerləşən erməni kəndindən (Vosgepar) reportaj hazırlayıb.  Reportajda yerli erməni sakinlər yaranmış …

Bir cavab yazın