Türkiyədə qiyam gecəsi ilə bağlı daha bir – Skandal

“TRT Müzik” kanalının 2016-cı il üçün tərtib etdiyi təqvimdə skandal detal ortaya çıxıb.

“Qafqazinfo” Türkiyə KİV-nə istinadən xəbər verir ki, 2015- cilin dekabr ayında hazırlanan təqvimdə qiyam gününün baş verdiyi 15 iyul tarixi həftə içinə düşməsinə rəğmən rəsmi tətil günü kimi qırmızı rəngdə işarələnib.

Sosial medianın gündəminə düşən bu qorxunc detalla bağlı çoxsaylı paylaşımlar və şərhlər yazılıb. Sosial şəbəkə istifadəçiləri TRT-nin ünvanına od püskürüb.

Kanaldan alınan bilgiyə görə, onlar da məsələdən yeni xəbər tutublar. Bunun bir xətadan qaynaqlandığını dilə gətiriblər. İddia edirlər ki, təqvimi hazırlayan çap şirkəti əvvəlki ilin təqvimindən kopyalanma edib. Ancaq əvvəlki ilin təqvimində də 15 iyul tarixi rəsmi tətil gününə təsadüf etməyib.