Cümə axşamı , Avqust 22 2019
Ana səhifə / Gündəm / Xalq artistlərinin maaşı niyə yarıya endirildi? – Teatrdan açıqlama

Xalq artistlərinin maaşı niyə yarıya endirildi? – Teatrdan açıqlama

Üç xalq artisti – rejissor Cənnət Səlimova, aktyorlar Yasin Qarayev və Ağaxan Salmanlının yarımştat iş cədvəlinə keçrilməsi müzakirələrə səbəb olub.

Qafqazinfo” xəbər verir ki, Yasin Qarayev açıqlamasında 280 AZN maaş aldığını bildirib və aldığı maşın yarısının kəsilməsinə etiraz edib.Xalq artisti Ağaxan Salmanlı isə həmkarı ilə birlikdə teatrdan gedəcəyini söyləyib.

Mövzu ilə bağlı Gənc Tamaşaçılar Teatrı açıqlama yayıb.

Bildirilib ki, yarımştatla bağlı qanuna uyğun olaraq addım atılıb:

“Bu günlərdə Gənc Tamaşaçılar Teatrında bir qrup prezident təqaüdçüsü və prezident mükafatçıları olan, yaşı 65-dən və 70- dən keçmiş xalq və əməkdar artistlərinin yarımştata keçirilməsi ilə əlaqədar KİV-də müxtəlif fikirlər səslənir. Teatrın bədii şurasının qərarına əsasən, teatrın bir qrup əməkdaşının tamaşalarda və repertuarda məşğulluğu müzakirə olunub, onların 2016-cı ildə hazırlanmış 8 adda yeni tamaşalarda az və ya heç iştirak etməmələri aydın olub.

Ölkə başçısının 17 may 2011-ci il tarixli, 127-İVQD nömrəli “Azərbaycan Respublikasının Əmək Məcəlləsinə dəyişikliklər edilməsi haqqında” qanuna əsasən yaşı 65-i keçmiş işçilərin fərdi müqaviləyə və yaxud müqavilə müddəti bitdikdən sonra işdən azad olunmaları təmamilə qanuna uyğun bir haldır. Teatrda gün ərzində 3-4 tamaşa oynayan gənclərin əmək haqqlarına əlavələrin edilməsi hörmətli xalq Artistlərini niyə narazı salmalıdır?

Nəzərə alaq ki, sözügedən sənətkarlar uzun illik səmərəli fəaliyyətlərinə və çoxillik təcrübələrinə görə Ölkə rəhbərliyi tərəfindən daim diqqət mərkəzində olmuşdur”.

Qeyd edək ki, fevral ayının 8-də xalq artistləri Y.Qarayevin anadan olmasının 70, A.Salmanlının 75 illiyinə həsr olunmuş Ə.Orucoğlunun “Açarını itirənlər” əsəri əsasında hazırlanmış benefis tamaşanın premyerası keçiriləcəkdir.

 

Xalq artistlərinin maaşı niyə yarıya endirildi? -  Teatrdan açıqlama

Həmçinin oxuyun

Sabir Nağıyevə general-leytenant rütbəsi verildi – Sərəncam

Prezident İlham Əliyev Sabir Nağıyevə general-leytenant ali hərbi rütbəsinin verilməsi haqqında sərəncam imzalayıb.  “Qafqazinfo” xəbər …

Bir cavab yazın