Çərşənbə axşamı , Yanvar 19 2021
Ana səhifə / Gündəm / Sosial şəbəkələrdən istifadə ömrü qısaldır? – ARAŞDIRMA

Sosial şəbəkələrdən istifadə ömrü qısaldır? – ARAŞDIRMA

Alimlər “PNAS” jurnalında dərc edilmiş məqalədə belə fikir səsləndiriblər

12 milyon internet istifadəçisi üzərində aparılmış müşahidələrə əsasən məlum olub ki, sosial şəbəkələrdən aktiv istifadə edən insanlar orta hesabla daha çox yaşayırlar. Ehtimal ki, bu, sosial aktivliyin yüksək olması və xarici aləmlə əlaqələrin kəsilməməsi ilə bağlıdır.

Alimlər “PNAS” jurnalında dərc edilmiş məqalədə belə fikir səsləndiriblər.

“Belə görünür ki, internet üzərindən ünsiyyət saxlamaq sağlamlıq üçün faydalıdır. Amma xarici aləmlə əlaqələri kəsərək bütün həyatını internetdə keçirən insanlarda ömür müddətinin azalması qeydə alınıb – San-Dieqoda yerləşən Kaliforniya Universitetinin alimi Uilyam Hobbs deyib.

Hobbs və bir neçə başqa alim, həmçinin “Facebook”un mütəxəssisləri sosial şəbəkədə qeydiyyatdan keçmiş və tibbi sığortaya malik olan Kaliforniya ştatının bir neçə milyon sakininin həyatı üzərində müşahidə aparmaqla belə qənaətə gəliblər.

Alimlərin sözlərinə görə, araşdırma tamamilə anonim aparılıb: təhlil proqramı tibbi məlumatları “Facebook”un daxili statistikası ilə tutuşdurduqdan sonra bütün şəxsi məlumatlar dərhal silinib.

Sosial şəbəkə istifadəçilərindən başqa tədqiqata, həmçinin heç vaxt “Facebook” və ya başqa sosial şəbəkələrdə hesab yaratmayan insanlar da daxil edilib. Onlar 25-70 yaş aralığında olublar.

Həmçinin oxuyun

Xudatda Qazi ailəsini incidən kimdir? – torpaq dələduzluğu…

“Bir ildən çoxdur ki, mən oğluma torpaq sahəsi ala bilmirəm. Həyat yoldaşım bazarda alver etdiyi …

Bir cavab yazın