Çərşənbə axşamı , Avqust 20 2019
Ana səhifə / Gündəm / Millət vəkili: “Turizm obyektlərindən qanunsuz pul yığırlar”

Millət vəkili: “Turizm obyektlərindən qanunsuz pul yığırlar”

“Niyə Bakıdan Gürcüstana gedən azərbaycanlı turistləri Batumiyə öz qatarlarımız aparmır? Tbilisidən Batumiyə Gürcüstanın öz qatarları aparır bizim vətəndaşlarımızı. Bu işi biz görə və Azərbaycan Dəmiryollarının büdcəsini artıra bilərik”.

Xezerxeber.az bildirir ki, bu fikirləri Milli Məclisin Əmək və sosial siyasət komitəsinin iclasında “Turizm haqqında” qanun layihəsinin müzakirəsi zamanı millət vəkili Araz Əlizadə səsləndirib.

O, turizm obyektlərindən alınan qanunsuz vəsaitlərin turizm xidmətlərinin qiymətinin bahalaşmasının əsas səbəblərindən biri olmasına diqqət çəkib.

İclasda iştirak edən turizm şirkətlərindən birinin rəhbəri Ruslan Quliyev isə xaricdən turist axınını artırmaq üçün ölkədaxili aeroportların özəlləşdirilməsini gündəmə gətirib.

Otellərə ulduzların verilməsi prosesinə ciddi yanaşılması və bu prosesə nəzarətin Mədəniyyət və Turizm Nazirliyi tərəfindən icra edilməsi təklif edilib.

“Turizm haqqında” qanun layihəsi Komitənin iclasında qəbul edilərək parlamentin plenar iclasına tövsiyyə olunub.

Həmçinin oxuyun

İqbal Məmmədovun yalanı RƏSMƏN İFŞA OLUNDU – Deputatın oğluna 2 maddə ilə cinayət işi açılıb

DİA.AZ: – Son dövrlər vergi yoxlamalarının ümumi sayının azalmasına baxmayaraq, Vergilər Nazirliyi vergidənyayınma ehtimalı yüksək …

Bir cavab yazın