Bazar ertəsi , Oktyabr 26 2020
Ana səhifə / Gündəm / Kürdəmir Melioservis İdarəsində özbaşınalıq – Büdcə belə qarət olunur

Kürdəmir Melioservis İdarəsində özbaşınalıq – Büdcə belə qarət olunur

Elə ki, yaz-yay gəlir, havalar istiləşir, sudan daim korluq çəkən, şoran torpaqlarda əkin əkmiş Kürdəmir fermerləri sanki Melioservis İdarəsinin rəisi Nazim Əliyevin girovuna çevrilirlər. Öz növbəsində yayın gəlişi, qızmar istilərin düşməsi deyəsən lap sümüksındıran “gərənayı” kimi daha çox Nazim müəllimin sümüyünə düşür. Su təminatı və torpaq sahələrinə texniki xidmətin qiymətini deyə bilmərik, amma hörmətin əndazəsi uzanıb da gedir üzü yuxarı. Oralarda Nazim Əliyevə himayədarlıq edən kimdirsə, deyilənə görə çox qüdrətli bir şəxsdir. Buna əmin olanlar Melioservis İdarəsinin işindən narazılıqlarını üçkünc əsgər məktublarına yazmış kimi qatlayıb qoyublar Topalhəsənli kəndindəki o köhnə qarajın həyətində ayaq altında tapdanan qara “taxta”nın altına. Heç oxuyan da yoxdu. Amma haçansa səsi çıxacaq bu narazılıqların. Gundelik-baku.com bildirir ki, əsas vəzifəsi rayon hüdudlarında müqavilə əsasında təşkilatlara, fermerlərə, digər torpaq sahibkarlarına melioservis xidməti göstərmək, müxtəlif növlü torpaq işləri görmək, çaylarda sel və daşqınların qarşısının alınması üçün tədbirlər həyata keçirmək və digər təmir işlərinini aparmaq olan Melioservis başqanı kömək üçün “mələşən” şoran torpağın yalvarışlı “ilan dili” qarşısında maşallah olmasın, işini elə qurub ki, lap Mükafat müəllimin “sayğacı” kimi sorğu-sualsız fır-fır fırlanır. Xeyir-bərəkət də bundadı qadoyalım. Amma etiraf etməliyik, bu adam həm də çalışır ki, qohum-əqrəba yanında güvəndiyi xətir-hörmətini itirməsin. Bax, tutalım, əlindəki əmək kitabçasını aparıb versən ki, bunu doldurub “peçat”ını vur, səndən bu xidmətini də əsirgəməyəcək…Eşitmişik ki, bu sahədə bpyük uğurları da var Nazim qardaşın. Rəhbərilik etdiyi Melioservis idarəsinin texnikasının nəyə görəsə hansı etibarlı əllərdə olduğu bu uğurlara dəstək deyilmi? İndi düzü elə suallar da var ki, onları kefinin kök vaxtında Nazim müəllimə vermək yerinə düşməz. Məsələn soruşmuş olsanız ki, Melioservisin faktiki neçə işçisi var, yaxud, işçi kimi neçə nəfərin adına maaş yazılır, Nazim Əliyev cavab əvəzinə yəqin ki, mühasibini axtarıb tapacaq. Bu axtarış gərəkli bir məlumatı verməkdən yayınmağın necə deyərlər, klassik üsuludur. Hər halda, ehtiyat da igidin yaraşığıdı, deyiblər. Müdir adama bircə cədvəl maaşına baxan şəxslərin adına olan plastik kartları etibarlı adamın sərəncamına vermək qalır. Baxmayaraq ki, birdən olmaz elə, pulları bankomatlardan kimsə çıxarıb mənimsəyər, sonra da əkilər… Qarşı tərəfin də mövqeyini dərc etməyə hazırıq.
 dia.az

Həmçinin oxuyun

Prezident bu ərazilərimizin işğaldan azad edildiyini açıqladı – SİYAHI

Prezident İlham Əliyev Ordumuzun işğaldan azad etdiyi növbəti ərazilərimizi açıqlayıb. Prezident “Tvitter”də paylaşım edib: “Müzəffər …

Bir cavab yazın