Gəncədə balkon və qaraj qadağası – boş yerlər isə satışa çıxarılıb

İcra Hakimiyyəti binaların balkonlarını və həyətdəki qarajları sökdürür, boş yerlər isə satışa çıxarılıb

Gəncə İcra Hakimiyyətinin göstərişi əsasında şəhərdəki bütün binaların balkonları və həyətlərdə yerləşən qarajlar sökülür. JAM.AZ-ın əldə etdiyi məlumata görə, bu zaman qanuni sənədlərə belə baxılmır.

Əhalinin etdiyi narazılığa baxmayaraq, həyata keçirilən prosesi durdurmaq mümkün deyil. Və işin ilginc tərəflərindən biri də odur ki, sökülən qarajların yeri artıq satışa da çıxarılıb. JAM.AZ-a verilən məlumata görə, Gəncə İcra Hakimiyyətinin məsul işçiləri artıq sökülmüş qarajların yerini 3000 manata yerli sakinlərə təklif edirlər. Tikinti işlərinin isə bir ay sonra həyata keçiriləcəyi deyilir.