Cümə axşamı , Oktyabr 22 2020
Ana səhifə / Gündəm / Ehtiyatlı olun: “WhatsApp”, “Telegram” və “Gmail”dən yazışmanı ələ keçirən yeni üsul tapılıb

Ehtiyatlı olun: “WhatsApp”, “Telegram” və “Gmail”dən yazışmanı ələ keçirən yeni üsul tapılıb

ABŞ-ın Perdyu Universitetinin tədqiqatçıları tərəfindən “Android” sistemi ilə işləyən smartfonlar üçün hazırlanmış mobil proqram qurğu sahibinin son bir neçə saat və ya gündə nə barədə yazışdığını, kiminlə ünsiyyət saxladığını, internetdə nə axtardığını öyrənməyə imkan verir.

Proqramın yaradıcıları bu üsulun kriminalistlərə faydalı olacağını düşünürlər. Proqramın hazırlanmasına 9 ay vaxt sərf olunub.

Azertac “cnews.ru” saytına istinadən xəbər verir ki, mobil proqram “RetroScope” adlandırılıb. Proqramın iş prinsipi qrafik kontrollerin köməyi ilə smartfonun ekranına çıxarılmış son təsvirlərin surətini əməli yaddaşdan əldə etməkdir.

“Android” mobil əməliyyat sisteminin yaradıcısı “Google” korporasiyası son təsvirlərin surətinin əməli yaddaşından silinməsini nəzərdə tutmadığından belə mobil proqram yaratmaq mümkün olub. Alimlərin fikrincə, son təsvirlərin yaddaşda saxlanılması nəticəsində bağlanmış proqramı yenidən işə saldıqda interfeys daha sürətlə açılır.

Proqramın yaradıcıları sınaq zamanı “Gmail”, “Skype”, “WeChat”, “WhatsApp”, “TextSecure”, “Telegram” daxil olmaqla 15 müxtəlif mobil proqramda 3-dən 11-dək olan son təsvirləri ələ keçirə biliblər. Tədqiqatçılar bildirirlər ki, bu informasiyanı silməyin yeganə üsulu smartfonu yenidən yükləmək və ya söndürüb yenidən işə salmaqdır.

 

Həmçinin oxuyun

Qarabağ müharibəsi və FETÖ-nun Azərbaycanda son çırpıntıları…

Azərbaycan-Türkiyə münasibətlərinin ən pik inkişaf nöqtəsinə çatması böyük tarixi zərurət idi. İki ölkə arasındakı bu …

Bir cavab yazın