Dəm qazından ölən qızın bir neçə ay öncə toyu olub – Fotolar

Xəbər verdiyimiz kimi, dünən Bakı şəhərinin Nərimanov rayonunda 1991-cı il təvəllüdlü Əzizova Nərmin Rəhim qızı dəm qazından boğularaq dünyasını dəyişib.

“Qafqazinfo” vaxtsız vəfat edən Nərminlə bağlı bəzi məlumatlar əldə edib.

Dəm qazının qurbanı olan gənc qız ABŞ-ın nüfuzlu Hyuston Universitetində Psixologiya fakültəsində təhsil alıb.

Nərmin bəlkə ömrünün ən gözəl günlərini yaşayırdı. Onun Areeb Hafeez adlı şəxlə bir neçə ay öncə toyu olub. Cütlük Texas ştatında yaşayırmış.

Nərmin bir müddət öncə Texasdan Azərbaycana gələrək Bakıda özünə iş tapıbmış.

Onun həyat yoldaşının hazırda Texasda olduğu və hadisədən xəbərsiz olduğu bildirilir.

Mərhumun dostları sosial şəbəkədə Nərminin şəkillərinin altına onunla bağlı xoş sözlər yazaraq faciəvi ölümündən kədərləndiklərini ifadə ediblər.