Çərşənbə axşamı , Oktyabr 27 2020
Ana səhifə / Gündəm / Çox qızardılan çörək və kartof xərçəng riski yaradır

Çox qızardılan çörək və kartof xərçəng riski yaradır

Britaniyanın Ərzaq Standartları Qurumu (FSA), çörək və kartof kimi nişasta tərkibli yeməklərin yüksək temperaturda bişirilərkən akrilamid adlı kimyəvi maddənin ifraz olunduğunu və bu maddənin də xərçəngə yol aça biləcəyi barədə xəbərdarlıq edib.
FSA, riskləri azaltmaq üçün bu cür qidaların bişirmə təlimatlarına diqqətlə əməl edilməsini və bu cür yeməkləri rəngi tündləşməyənədək bişirilməsini tövsiyə edib.
FSA bundan başqa, kartofun soyuducuda saxlanılmasının zəruriliyi barədə xəbərdarlıq edib. Bunun səbəbi isə otaq temperaturunda kartofun tərkibindəki şəkər səviyyəsinin artması və bunun da bişirmə zamanı ifraz edilən akrilamidin miqdarını yüksəltməsidir.
Lakin Xərçəng Araşdırmaları Təşkilatının sözçüsü, akrilamid ilə xərçəng arasında əlaqənin insanlarda hələ sübut olunmadığını deyib.
Nə qədər çox bişsə, akrilamid də o qədər yüksək olur
Çox uzun müddət ərzində yüksək istilikdə qovrulan, qızardılan, ya da kabab edilən nişastalı qidalarda akrilamid adı verilən kimyəvi bir maddə meydana çıxır.
Müxtəlif qidalarda tapılan akrilamid, bişirmə prosesində təbii olaraq ifraz edilir.
Bu maddə, çörək, biskvit, keks və qəhvə kimi 120 dərəcənin üzərində bişirilən və yüksək nişasta tərkibli qidalarda var.
Maddə həmçinin evdə kartof və çörək kimi qidaların yüksək istilikdə bişirilməsi zamanı da ortaya çıxır.
Məsələn, çörəyi qızardanda akrilamid maddəsi də üzə çıxır.
Qızardılan çörəyin rəngi nə qədər tünd olarsa, ortaya çıxan akrilamid miqdarı da bir o qədər yüksək olur (BBC).

Həmçinin oxuyun

Prezident bu ərazilərimizin işğaldan azad edildiyini açıqladı – SİYAHI

Prezident İlham Əliyev Ordumuzun işğaldan azad etdiyi növbəti ərazilərimizi açıqlayıb. Prezident “Tvitter”də paylaşım edib: “Müzəffər …

Bir cavab yazın