Cümə axşamı , Noyabr 14 2019
Ana səhifə / Gündəm / Bakıda reanimasiyaya yerləşdirilən xəstənin qollarını çarpayıya bağlayıblar

Bakıda reanimasiyaya yerləşdirilən xəstənin qollarını çarpayıya bağlayıblar

Bakıda reanimasiyaya yerləşdirilən xəstənin qollarını çarpayıya bağlayıblar. 

Paytaxtın Qaradağ rayonu, Müşfiqabad qəsəbəsində yaşayan və dializ xəstəsi olan 55 yaşlı Şahnisə Muxtarova 5 gün əvvəl mədəsində yaranan qanaxma ilə əlaqədar 1 saylı Şəhər Kliniki Xəstəxanasının reanimasiya şöbəsinə yerləşdirilib. Onun sözlərinə görə, həmin gün axşam övladları evə getdikdən sonra tibb bacısından su istəyib və ona ağrıkəsici iynə vurmasını xahiş edib.

Şahnisə Muxtarovanın sözlərinə görə, bir müddət sonra tibb bacısı onun qollarını parça ilə çarpayıya bağlayıb və ona qan köçürüb.

Bir müddət sonra isə Şahnisə Muxtarova özü qollarını aça bilib. Pasiyentin yaxınları deyirlər ki, hadisə ilə bağlı xəstəxana rəhbərliyinə də müraciət ediblər.

Məsələ ilə bağlı 1 saylı Şəhər Kliniki Xəstəxandan bildirilib ki, bəzi xəstələrə qan köçürülərkən məcburən qolları bağlanır.

Reanimatoloq Kərəm Yaqubovun sözlərinə görə, Şahnisə Muxtarovanın da qolu bu səbəbdən bağlanıb. Qolunda əmələ gələn izlər isə onun xəstəliyi ilə əlaqədardır.

Həkim ekspertlər isə bildirdilər ki, xəstənin qolunun bağlanıb-bağlanmaması həkimdən asılıdır. Yəni qan köçürən həkim pasiyentin göstərdiyi reaksiyadan asılı olaraq onun qolunu bağlaya bilər. Lakin xəstə heç bir mənfi reaksiya göstərmirsə, ekspertlər qolun bağlanmamasını daha məqsədəuyğun sayırlar. (“Xəzər TV”)

Həmçinin oxuyun

Arif Hacılı saxlanıldı

Müsavat Partiyasının başqanı Arif Hacılı polis tərəfindən saxlanılıb. Unikal.org xəbər verir ki, bu barədə Müsavat Partiyasının …

Bir cavab yazın