Ana səhifə / Gündəm / Azərbaycanlını diri-diri basdıran avtoritet kimdir? – Təfərrüat

Azərbaycanlını diri-diri basdıran avtoritet kimdir? – Təfərrüat

Borcu müqabilində Moskvada diri-diri basdırılan 41 yaşlı azərbaycanlı iş adamı hadisənin təfərrüatlarını danışıb.

“Qafqazinfo” Rusiya KİV-nə istinadən xəbər verir ki, aprelin sonlarında Salayevin ərzaq biznesindən həmkarı olan Abbas Nişadov (ad və soyad dəyişdirilib) ondan 1,5 milyon rubl borcunu tələb edib. Salayevin sözlərinə görə, həmin pulu ondan əslində əmisi oğlu almışdı, lakin borcu ödəmək ondan tələb edilib/

Pulu ala bilməyəcəyini gördükdə isə Nişadov yardım üçün Prokladka ləqəbli kriminal avtoritetə müraciət edir. Avtoritet zəng edərək Salayevi Nişadovun ofisində görüşə çağırır. Salayev ofisə gəldikdə onu 50 silahlı şəxs mühasirəyə alır. Avtoritet bildirir ki, artıq borcu 1,5 milyon rubldan 30 milyona kimi qalxdı. Salayev həmin pulu ödəməkdən imtina etdikdə isə onu döyməyə başlayırlar, daha sonra maşına qoyaraq qəbiristanlığa aparırlar.

O, başı çöldə qalmaqla torpağa basdırılır. Bu vəziyyətdə iş adamı gecə yarısından səhər saat 4-ə kimi qalır.

Qurbanın telefonuyla onun qardaşı İsmayıla zəng edən cinayətkar dəstə borcları müqabilində Hikmətin yerini söyləyəcəklərini deyirlər. İsmayıl milyon rubldan bir qədər çox pul və qardaşı ilə özünün maşınını girov müqabilində onlara verir.

Baş verən insidentdən sonra Hikmət oğurlanması ilə bağlı polisə ərizə yazmaq istəsə də, polislər onu qəbul etməyiblər. Salayev iddia edir ki, polislər ona “azərbaycanlılar bu problemi özlərinə məxsus həll edirlər” deyiblər.

Daha sonra Salayevin şikayəti əsasında işə Baş Cinayət Axtarış İdarəsi qoşulur və tezliklə Nişadov saxlanılır.

Həmçinin oxuyun

Ermənilər Qazaxla sərhəddən getmək istəmirlər – VİDEO

Azadlıq Radiosu Qazaxla sərhəddə yerləşən erməni kəndindən (Vosgepar) reportaj hazırlayıb.  Reportajda yerli erməni sakinlər yaranmış …

Bir cavab yazın