Ana səhifə / Gündəm / Azərbaycanlıların Həccə xərclədiyi fantastik pul – 4 milyona yaxın

Azərbaycanlıların Həccə xərclədiyi fantastik pul – 4 milyona yaxın

Xəbər verdiyimiz kimi, bu il Həcc ziyarətinə getmək üçün ayrılan 600 nəfərlik kvota tam dolub. “Qafqazinfo” xəbər verir ki,  bu il ziyarət üçün vahid qiymət  3850 dollar müəyyənləşdirilib. 

“Qafqazinfo” bu məqamda 600 nəfərin Həcc ziyarətinə ümumilikdə ödədiyi məbləği araşdırıb. Bu günün məzənnəsinə uyğun olaraq, 1nəfərin Həcc ziyarəti xərci 6553 manatdır. 600 nəfər üçün isə bu rəqəm birlikdə 3 milyon 931 min manat vəsait təşkil edir.

Bu arada qeyd edək ki, Qafqaz Müsəlmanları İdarəsi Həcc ziyarətindən əldə etdiyi gəlirlərin miqdarını ictimaiyyətə açıqlamır. Bu səbəbdən 4 milyona yaxın vəsaitin neçə faizinin QMİ-nin gəlirləri hesab olunduğunu müəyyən etmək mümkün deyil.

Bu arada bildirək ki, Azərbaycandan bu ildən etibarən ikinci dəfə Həccə gedənlər üçün əlavə ödəniş nəzərdə tutulmayıb.

QMİ-nin məsul işçisi, Azərbaycan Həcc missiyasının üzvü Həmdulla Babayev “Qafqazinfo”ya bildirib ki, kvota tam dolsa da, əlavə getmək istəyənlər ehtiyat kimi yığılır: “Bu məsələyə may ayında baxılacaq. Əgər Səudiyyə Ərəbistanı kvotadan artıq  şəxslərin ziyarətə getməsinə şərait yaradarsa, bu, reallaşa bilər”.

Həmçinin oxuyun

Ermənilər Qazaxla sərhəddən getmək istəmirlər – VİDEO

Azadlıq Radiosu Qazaxla sərhəddə yerləşən erməni kəndindən (Vosgepar) reportaj hazırlayıb.  Reportajda yerli erməni sakinlər yaranmış …

Bir cavab yazın