Cümə axşamı , Mart 28 2024
Ana səhifə / Gündəm / 6 milyonluq əmlak necə mənimsənilib?

6 milyonluq əmlak necə mənimsənilib?

Bu gün Bakı Ağır Cinayətlər Məhkəməsində dələduzluqda təqsirləndirilən Dövlət Bayrağı Meydanı Kompleksinin sabiq rəisi Rəşad Məmmədov, onunla birlikdə tutulan İsfəndiyar İsfəndiyarov və Arzu Məmmədovun cinayət işi üzrə məhkəmə prosesi başlayıb.

Qafqazinfo ”nun verdiyi xəbərə görə, hakim Əlövsət Abbasovun sədrliyi ilə baxış iclası davam etdirilib. İclasda zərərçəkmiş Zabil Salmanov ifadə verərək deyib ki, təqsirləndirilən şəxslərə qarşı heç bir şikayəti yoxdu və maddi olaraq nəsə tələb etmir: “Onların azadlığa buraxılmasını istəyirəm, mənə dəyən maddi ziyanı ödəyiblər. Mən həmin yeri satmaq istəmirdim. Təzyiq etdikləri üçün təklifləri ilə razılaşmalı oldum. Çünki obyekti 6 milyondan baha satmaq istəyirdim. Onlar isə dedilər ki, oranın alınmasına 4 milyon 700 min pul ayrılıb”.

O, R.Məmmədovu obyekt üçün danışıqlar başladıqdan bir neçə ay sonra tanıyıb.

Məhkəmə prosesi iyunun 17-də davam etdiriləcək.

Qeyd edək ki, Dövlət Bayrağı Meydanı Kompleksi İdarəsinin sabiq rəisi R.Məmmədov, İ.İsfəndiyarov və A.Məmmədov ötən ilin may ayında həbs ediliblər. Onların barəsində Səbail Rayon Məhkəməsinin qərarı ilə həbs qətimkan tədbiri seçilib. Həbs edilənlərdən A.Məmmədov bu il mart ayının 4-də Səbail Rayon Məhkəməsinin qərarı ilə ev dustaqlığına buraxılıb. Qeyd edək ki, həmin şəxslər Cinayət Məcəlləsinin 178.3.2-ci (dələduzluq, külli miqdarda ziyan vurmaqla törədildikdə) maddəsi ilə ittiham olunurlar.

Həmçinin oxuyun

Rəis 6 saylı məntəqə tipli cəzaçəkmə müəsissəsini bazara çevirib

Son illər Penitensiar Xidmət sahəsində bəlli dəyişikliklərin şahidi olmaqdayıq. Müasir cəzaçəkmə müəssisələrinin tikiilərək istifadəyə verilməsi, …

Bir cavab yazın