Çərşənbə axşamı , Dekabr 1 2020
Ana səhifə / Dünya / Zelenski prezident kimi görəcəyi ilk işi açıqladı

Zelenski prezident kimi görəcəyi ilk işi açıqladı

“Exit-poll” nəticələrinə əsasən, Ukraynada prezident seçkilərini qazanan aktyor Vladimir Zelenski qələbəsindən danışıb.

“Qafqazinfo” “RİA Novosti”yə istinadən xəbər verir ki, Zelenski qələbəsinin ölkəni birləşdirdiyini deyib:

“Hamıya təşəkkür etmək istəyirəm ki, bu 4 ayı mənimlə oldunuz. Bugünkü nəticələr mənim yox, sizin işlərinizin bəhrəsidir. Biz birlikdə bunu etdik. Ən əsası, biz Ukraynanı, həyatımızı, xalqımızı birləşdirdik”.

Zelenski prezident olduqdan sonra görəcəyi “bir nömrəli iş”in Rusiyada həbs edilən dənizçilərin Ukraynaya qaytarılması olacağını bəyan edib. Bundan başqa, o, prezident administrasiyanın işçilərini ixtisara salacağını deyib.

Zelenski qələbə münasibətilə onu təbrik edən Poroşenkoya təşəkkürünü bildirib. Onun sözlərinə görə, Poroşenko yeni prezidentə istənilən zaman kömək edə biləcəyini bildirib. “Niyə də olmasın. Lazım gəlsə, məsləhət üçün Poroşenkoya müraciət edəcəm”.

Qeyd edək ki, bu gün Ukraynada prezident seçkilərinin ikinci turu keçirilib. “Exit-poll”un nəticələrinə görə, Zelenski 73%-dən çox səs toplayıb.

Həmçinin oxuyun

İranın yüksək rütbəli zabiti İraqda öldürüldü – KİV

“RT Arabic” telekanalı İraqdakı mənbələrinə istinadən İran İslam İnqilabı Keşikçiləri Korpusunun (SEPAH) komandirlərindən biri Müslüm …