Cümə , Dekabr 4 2020
Ana səhifə / Dünya / Yaponiyadan musiqi alətinin qutusunda qaçan Karlos Qon 50 milyon dollar itirdi

Yaponiyadan musiqi alətinin qutusunda qaçan Karlos Qon 50 milyon dollar itirdi

2018-ci ilin noyabr ayında həbs olunduqdan sonra “Renault-Nissan-Mitsubishi” avtomobil konserninin keçmiş rəhbəri Karlos Qonun sərvəti 40%, yəni təxminən 120 milyon dollardan 70 milyon dollara qədər azalıb.

Belə bir qərara “Bloomberg” apardığı hesablamalar nəticəsində gəlib.

Nəşrin məlumatına əsasən, Qon yalnız Yaponiyadan Livana qaçış əməliyyatına ən azı 15 milyon dollar xərcləyib. Belə ki, Osaka şəhərindən transferin həyata keçirildiyi İstanbula uçmaq üçün özəl təyyarənin icarəsi ona 350 min dollara başa gəlib.

Agentlikdən bildirilir ki, Qon həbsdən çıxmaq üçün 14 milyon dollar məbləğində girov ödəyib.

Xatırladaq ki, “Nissan” şirkətinin keçmiş icraçı direktoru, maliyyə cinayətində ittiham olunan Karlos Qon musiqi alətinin qutusunun içində Yaponiyadan Türkiyəyə qaçıb, oradan isə özəl təyyarə ilə Livana uçub. 

Həmçinin oxuyun

Koronavirus bütün dünyada tüğyan edir – STATİSTİKA

Dünyada yeni növ koronavirus infeksiyasına (COVID-19) yoluxanların sayı 64 milyon 844 min 771 nəfərə çatıb. …