Cümə axşamı , Mart 28 2024
Ana səhifə / Dünya / “Xaç atası” filminin davamı necə olacaq – Frensis Ford Koppola açıqladı

“Xaç atası” filminin davamı necə olacaq – Frensis Ford Koppola açıqladı

Dünyaca məşhur rejissor Frensis Ford Koppola “Xaç atası” filminin davamını çəkməyəcək.

Sputnik Azərbaycan xarici mətbuata istinadən xəbər verir ki, Koppola bu barədə “The Guardian”a danışıb. Koppolaya görə, orijinal trilogiyanın ssenari müəllifi Mario Puzo filmlərdə istifadə olunandan daha çox material buraxdı və bu material yeni filmlər üçün istifadə edilə bilər. Ancaq özü bunu etməyəcək.

Rejissor əlavə edib ki, “Paramount” studiyası “Xaç atası”nın hüquqlarına sahibdir və davamını çəkməyə qərar verə bilər. Koppola hazırda özünün başqa işlərinin olduğunu bildirib.

Xəbər verdiyimiz kimi, sentyabr ayında rejissor Frensis Ford Koppola “Xaç atası – 3” filminin yeni versiyasını çəkməyi qərara almışdı. Həmin vaxt Koppola demişdi ki, film üçün yeni başlanğıc və son fikirləşib, eləcə də bəzi səhnələrin, kadr və musiqili replikaların yerini dəyişib. Yeni versiyanın onun müəllif fikrinə daha yaxın olacağını bildirmişdi.

Həmçinin oxuyun

3 uşaq anası 9 saatlıq əməliyyatdan sonra vəfat etdi – Azərbaycanlı həkim ittiham edilir

Türkiyədə qadın əməliyyatdan sonra ölüb. Hadisə Kayseri şəhərində yerləşən özəl xəstəxanalardan birində qeydə alınıb. 3 …