Ukrayna dron texnologiyası üzrə dünya lideri olub və bu sahədə Amerika Birləşmiş Ştatlarını xeyli geridə qoyub.

APA xəbər verir ki, bu sözləri ABŞ prezidenti Donald Trampın Ukrayna üzrə xüsusi nümayəndəsi general Kit Kelloq deyib.

"Biz geridəyik, ciddi şəkildə geri qalırıq. Ukraynalılar dron texnologiyası üzrə dünya liderləridir. Hər dövrün əsas sərvətləri var. Bir vaxtlar artilleriya idi, bir vaxt təyyarədaşıyanlar, indi isə dronlardır", - o bildirib.