“Üç muşketyor”un məşhur aktyoru xərçəngdən öldü

Rusiyanın Xalq artisti Boris Klyuyev 77 yaşında vəfat edib.

Azvision.az “İnterfax”a istinadən xəbər verir ki, aktyor xərçəng xəstəliyindən dünyasını dəyişib.

O, teatr və kinoda 100-dən çox rol oynayıb.

Klyuyevin ən məşhur rolları arasında “Üç muşketyor”da qraf Roşfor obrazıdır.

Aktyor 1984-cü ildə çəkildiyi “TASS elan etməyə səlahiyyətlidir” filmindəki casus Trianon rolu ilə də populyarlıq qazanıb. 1986-cı ildə “Mixaylo Lomonosov” serialında qraf Orlovu canlandırıb. 1980-ci illərin əvvəllərində o, “Şerlok Holmsun sərgüzəştləri”ndə Maykroftu oynayıb.

Son illərdə aktyor çəkildiyi “Voroninı” serialındakı Nikolay Petroviç obrazı ilə tamaşaçıların sevgisini qazanıb.