Türkmənistan prezidenti indi də “xüsusi təyinatlı” oldu – VİDEO

Yerli KİV-lərin bildirdiyinə görə, Türkmənistan prezidenti Qurbanqulı Berdıməhəmmədov aprelin 4-də dövlət təhlükəsizlik şurasının səyyar iclasını keçirib və bu iclasda cari ilin birinci rübündə güc strukturlarının fəaliyyətinə qiymət verilib.

Virtualaz.org xəbər verir ki, iclasın gedişində Berdıməhəmmədov və güc strukturlarının rəhbərləri tirdə təlim atışları keçiriblər. Q.Berdıməhəmmədov səsboğucu ilə təchiz olunmuş “IWI Tavor” avtomatından atəş açmaq bacarığını nümayiş etdirib.

Bu gün “YouTube” videohostinqində yayımlanmış videoçarxda əfsanəvi “Status Quo” qrupunun ifasında məşhur “İn the Army Now” mahnısının sədaları altında dövlət başçısının güc strukturlarının rəhbərlərinin fiziki hazırlığı ilə şəxsən məşğul olmasını əks etdirilən kadrlar nümayiş etdirilib.