Ana səhifə / Dünya / Türkiyədən Rusiyaya ixrac 33 faiz azaldı

Türkiyədən Rusiyaya ixrac 33 faiz azaldı

2024-cü ilin fevralında Türkiyənin Rusiyaya ixracının həcmi illik ifadədə 33 faiz azalıb.

Musavat.com Türkiyə Ticarət Nazirliyinin açıqladığı statistik məlumata əsasən xəbər verir ki, keçən ay göstərici bir il əvvəlki 1 milyard dollara qarşı 670 milyon dollar təşkil edib.

Yanvar-fevral ayları üzrə ümumi ixracat 2023-cü ilin eyni dövründəki 2,04 milyard dollarla müqayisədə 1,29 milyard dollara düşüb. Fevral ayında Rusiyaya ixrac Türkiyənin ümumi ixracatının 3,2 faizini təşkil edir. Fevralda Türkiyə ixracatında Almaniya (1,723 milyard dollar) və ABŞ (1,33 milyard dollar) lider olub.

Ötən ay Türkiyənin idxalında Rusiya 4,15 milyard dollarla birinci yeri tutub. İkinci yerdə 3,43 milyard dollarla Çin, üçüncü yerdə isə 2,22 milyard dollarla Almaniya gəlir.

Həmçinin oxuyun

ABŞ hərbçiləri 70-dən çox İran PUA-sını zərərsizləşdirib 

ABŞ ordusu İranın İsrail istiqamətində atdığı 70-dən çox PUA və ən azı 3 ballistik raketini …