1950-ci ildə Amerika və Rusiya arasındakı “soyuq müharibə” zamanı Şimali Amerikada bir sistem quruldu. Sistem ruslardan gələcək hücumları öncədən xəbər vermək xüsusiyyətinə malikdir. Bu bazaya nəzarət etməsi üçün Dunkan Ferqyuson adlı bir gənci vəzifələndirdilər.
Bu adamın vəzifəsi maraqlı və olduqca təhlükəlidir. O, həmin bazada işləyən insanları ərazidəki qütb ayılarından qoruyur.
Bu baza 1957-ci ildən ABŞ və Kanadanın ortaq işbirliyi nəticəsində işlədilməyə başlayıb.
Buradakı insanları qoruyan Dunkan vəzifəsi haqqında bunları deyir: “Bu bazanın qurulma məqsədi Rusiyanın Şimali Amerikaya hücumlarının öncədən xəbər verilməsi, mənim vəzifəm isə orada işləyən insanları qütb ayılarından qorumaqdır. Bu ayılar olduqca səbrli, bacarıqlı və ağıllıdır. Bir insana hücum etməyi qərarlaşdırdılarsa, onu günlərcə səbrlə izləyir, ən çarəsiz, müdafiəsiz anda hücum edirlər”.
Qütb ayılarının Kanadada ovlanması qanuni olsa da, onları ovlamaq çətindir. Dunkan bu ayıları uzaq məsafədən öldürməyin çox çətin olduğunu deyir. Onları ancaq yaxın məsafədən tüfənglə vurmaq olar ki, bu da olduqca riskli və təhlükəlidir. Dunkan qütb ayılarını ödürməkdən daha çox, havaya atəş açaraq, onları qorxudub ərazidən uzaqlaşdırır.
Dunkanın günlük iş rejimi səhər saat 7-də oyanmaq, hava şəraitini yoxlamaq, daha sonra işçiləri yeməkxanaya təhlükəsiz bir şəkildə aparmaqdır.
Buludların çox vaxt əraziyə enməsi və bəyaz olması səbəbindən qütb ayılarının gözəgörünməz şəkildə gəlmələri də mümkündür. Dunkan vəzifəsinin bir tərəfdən olduqca təhlükəli, digər tərəfdən isə olduqca cansıxıcı olduğunu deyir.Musavat.com