Gürcüstanın paytaxtı Tbilisidə hökumət əleyhinə etiraz aksiyaları davam edir.
Aksiya iştirakçıları Rustaveli prospektində nəqliyyatın hərəkətini dayandırıblar.
Aksiyada təxminən 3 minə yaxın adam iştirak edir. Hüquq-mühafizə orqanlarının əməkdaşları etirazçılara müdaxilə etmirlər. Onların əsas tələbi hökumətin istefasıdır. Sakinlər baş nazir istefa verənədək etirazları davam etdirəcəklərini bildiriblər.
Qeyd edək ki, etirazçılar prokurorluq və məhkəmələrin korrupsiyalaşdığını, hökumətin isə buna şərait yaratdığını və baş verənlərə göz yumduğunu deyirlər. Etirazlara baxmayaraq, baş nazir Georgi Kvirikaşvili istefa verməyəcəyini bəyan edib.