Ana səhifə / Dünya / Solovyov qətl sifariş etmək istəyib – “Killer” axtarırmış, FTX imkan verməyib

Solovyov qətl sifariş etmək istəyib – “Killer” axtarırmış, FTX imkan verməyib

Kremlin ən qızğın təbliğatçılarından olan Vladimir Solovyovla bağlı maraqlı məlumatlar dərc olunub.

Rusiyanın tanınmış “The İnsider” nəşri Solovyovun 1990-cı illərdə qətl sifariş etmək üçün “killer” axtardığını yazıb. Bununla bağlı nəşrə sabiq FTX zabiti Sergey Astaşin məlumat verib.

O, deyib ki, Solovyov şəxsən Astaşindən 10 min dollar müqabilində “killer” tapmasını xahiş edib. Solovyovun öldürtmək istədiyi adam isə “Otari” ləqəbli kriminal avtoritet Otari Kvantrişvili olub.

Jurnalistlə kriminal avtoritet arasında ədavətin nəylə bağlı olduğuna dair məlumat verilmir. Lakin Astaşin deyib ki, Solovyovun təklifini dərhal FTX rəhbərliyinə çatdırıb və bundan sonra indiki Kreml təbliğatçısı, o zamansa nisbətən müstəqil mövqe tutan Solovyov sorğu-suala çəkilib. Astaşin hesab edir ki, məhz həmin vaxt FTX Solovyovu “verbovka” edib və onun indiyə qədər “səhnədə qalması” da məhz FTX ilə əməkdaşlığından qaynaqlanır.

“Otari”-yə gəlincə, xatırladaq ki, bir zamanlar böyük nüfuza malik olan bu kriminal avtoritet elə muzdlu qatil tərəfindən 1994-cü ildə qətlə yetirilib. Lakin bu, Solovyovun sifarişi olmayıb. Yalnız 12 ildən sonra məlum olub ki, qətlin sifarişçisi Kvantrişvilinin şəriki, digər kriminal avtoritet “Silvester” olub. AzPolitika.info

Həmçinin oxuyun

Avstriyalı deputatlar Zelenskini baykot etdi

Ukrayna Prezidenti Vladimir Zelenski Avstriya parlamentində videokonfrans vasitəsilə çıxış edərkən deputatlar iclası tərk edib.Bakupost.az HaberTürk-ə istinadən …