Cümə axşamı , Dekabr 3 2020
Ana səhifə / Dünya / Seyran Ohanyan: “Bu baş verənlər erməni xalqının ümumi faciəsidir…”
YSU scientific council hosts the RA Minister of Defence Seyran Ohanyan

Seyran Ohanyan: “Bu baş verənlər erməni xalqının ümumi faciəsidir…”

Erməni cəmiyyəti birdəfəlik “hakimlərə” və “qurbanlara” parçalanır. Bunu özünün Yeni il müraciətində Ermənistanın keçmiş müdafiə naziri Seyran Ohanyan deyib. O, ölkəsində baş verənləri “erməni xalqının ümumi faciəsi” adlandırıb.

“Bu gün bir sıra səs-küylü məhkəmə işlərini izləyərkən döyüş yoldaşlarımızın çarəsizlik içərisində necə yumruqlarını yellədiyini görüb ürək ağrısı və kədər hissləri keçirirəm”-Ohanyan İrəvanda bir sıra keçmiş səhra komandirlərinin, o cümlədən 2016-cı ilin iyulunda İrəvanda qiyam qaldırmış Qarabağ veteranlarından ibarət qrupun məhkəmə proseslərini nəzərdə tutaraq bildirib.

Ohanyan qeyd edib ki, indi məhkəməsi gedənlər vaxtilə Qarabağın alınması işində böyük xidmətlər göstəriblər və bütün bu baş verənlər erməni xalqının ümumi faciəsidir.

Xatırladaq ki, Seyran Ohanyan 2016-cı ilin aprel döyüşlərində Ermənistan ordusunun sarsıdıcı zərbə almasından sonra İrəvanda başlayan siyasi təlatümlərin gedişində istefa verib. Daha sonra müxalifətə keçib və öz siyasi blokunu quraraq parlament seçkilərinə qatılıb, lakin uğur qazana bilməyib və kölgəyə çəkilib.Virtualaz.org

Həmçinin oxuyun

İranın yüksək rütbəli zabiti İraqda öldürüldü – KİV

“RT Arabic” telekanalı İraqdakı mənbələrinə istinadən İran İslam İnqilabı Keşikçiləri Korpusunun (SEPAH) komandirlərindən biri Müslüm …