Çərşənbə axşamı , Avqust 3 2021
Ana səhifə / Dünya / Rusiyada sərnişin təyyarəsinin dənizə düşdüyü ehtimal olunur – Yenilənir

Rusiyada sərnişin təyyarəsinin dənizə düşdüyü ehtimal olunur – Yenilənir

Rusiyada “An-26” tipli sərnişin təyyarəsi Kamçatka səmasında radarlardan itib.

“Qafqazinfo” xəbər verir ki, bu barədə məlumatı Rusiyanın Fövqəladə Hallar Nazirliyinin Kamçatka əyaləti üzrə Baş idarəsinin Mətbuat xidməti yayıb.

Məlumata əsasən, 6 iyul tarixində Petropavlovsk-Kamçatka-Palana reysi üzrə sərnişin daşıyan “An-26” təyyarəsi plan üzrə nəzərdə tutulan vaxtda əlaqə yaratmayıb.

İlkin məlumatlara görə, təyyarənin göyərtəsində 1 uşaq, 6 heyət üzvü də daxil olmaqla 22 sərnişin var.

Petropavlovsk-Kamçatska ərazisindən və Ossora qəsəbəsindən regional axtarış-xilasetmə bazasının xilasediciləri təyyarənin axtarışına başlayıb. FHN-in Kamçatka əyaləti üzrə axtarış-xilasetmə qrupları da axtarışlara qoşulub. 

Həmçinin qeyd olunur ki, tələb olunarsa, axtarışlar zamanı “Mi-8” vertolyotu və “İl-38” hərbi təyyarələrindən də istifadə olunacaq.

***

TASS agentliyi xəbər verir ki, təyyarənin göyərtəsində 6 ekipaj üzvü və 23 sərnişin olmaqla 29 nəfər olub.

***

Əyalətlərin rəsmi qurumları əvvəl verilən məlumatdan fərqli olaraq bildirirlər ki, təyyarənin göyərtəsində 6 heyət üzvü və 21 sərnişin var. Sərnişinlərdən ikisi 12 yaşına qədər uşaqlardır.

***

“İnterfaks”ın verdiyi məlumata görə, Palana qəsəbəsi şəhər dairəsinin rəhbəri Olqa Moxireva da təyyarədə sərnişinlər sırasındadır.

***

Axtarış-xilasetmə qrupları hazırda təyyarəni həm quruda, həm də dənizdə axtarırlar.

***

Mənbələrdən “İnterfaks”a verilən məlumatlara görə, təyyarənin ya Oxot dənizinə, ya da Palana yaxınlığında kömür mədəninin ərazisinə düşmə ehtimalı var.

***

Təhlükəsizlik qaydalarının pozulmasına görə faktla bağlı cinayət işi başladılıb.

***

Rusiya Hava Nəqliyyatı Federal agentliyinin (“Rosaviasiya”) məlumatına görə, Kamçatkada radarlardan itmiş “An-26” təyyarəsi dumanlı və buludlu hava şəraitində enişə hazırlaşıb.

Onunla əlaqə təxmin edilən eniş vaxtından təqribən 10 dəqiqə əvvəl kəsilib. Belə ki, ekipaj enişi Moskva vaxtı ilə saat 05:50-də həyata keçirməli idi.

***

Təyyarənin məxsus olduğu “Kaçmatka” aviaşirkətinin icraçı direktoru Aleksey Xrabrov bildirib ki, “An-26” texniki cəhətdən qaydasında olub.

***

Fövqəladə xidmətlərin nümayəndəsinin “RİA Novosti”yə verdiyi məlumata görə, xilasedicilər təyyarənin qəzaya düşmə yerini təyin ediblər. Onun dənizə düşdüyü ehtimal olunur.

***

“İnterfaks”ın məlumatına görə, xilasedicilər Kamçatka sahillərində zəif radiosiqnal qeydə alıblar. Bu siqnalın hazırda axtarışı davam edən “An-26” təyyarəsinin qəza radiocihazından gəldiyi təxmin edilir. Belə ki, bu siqnal təyyarə qəzaya düşdükdə işə düşür.

Həmçinin oxuyun

Türkiyədəki yanğınlarla bağlı son vəziyyət açıqlandı – VİDEO

Türkiyənin 8 bölgəsində yanğın davam edir. Bu barədə Türkiyənin Kənd təsərrüfatı və meşə naziri Bekir …