Ana səhifə / Dünya / Rusiya Xarkova desant qoşunu çıxardı, döyüş başladı

Rusiya Xarkova desant qoşunu çıxardı, döyüş başladı

Rusiya Xarkov şəhərinə desant qoşunu çıxarıb, Ukrayna döyüşçüləri onlarla döyüşə girib.

Bu barədə ölkənin Təhlükəsizlik Xidməti məlumat yayıb.

“Rusiya desantları Xarkova enib. İşğalçılar xəstəxanaya – Şimal Regionunun Hərbi Kliniki Tibb Mərkəzinə hücum ediblər. İşğalçılarla ukraynalı müdafiəçilər arasında döyüş başlayıb”, – məlumatda deyilir.

“Ukraynanın Operativ Silahlı Qüvvələri” teleqram kanalının məlumatına görə, hücum şəhər və bölgədə hava həyəcanı xəbərdarlığının elan edildiyi anda baş verib.

Qeyd edək ki, fevralın 24-də Rusiya Ukraynaya qarşı müharibəyə başlayıb. Həbri əməliyyatların gedişində hər iki tərəfdən xeyli sayda hərbçi həlak olub və ya yaralanıb. Müharibə xüsusən Ukraynaya fəlakətlər bəxş edib. Bu ölkənin yüzlərlə dinc sakini həlak olub və yaralanıb, şəhərlərin infrastrukturuna ciddi ziyan dəyib. Report 

Həmçinin oxuyun

Prezident Ofisi: “Ukrayna ordusu əks-hücuma keçib“

“Ukrayna qoşunları Xersonda əks-hücum əməliyyatlarına başlayıb”.  “Report” UNIAN-a istinadən xəbər verir ki, bunu Ukrayna Prezident …