Çərşənbə axşamı , Mart 19 2024
Ana səhifə / Dünya / Rusiya təkcə Ukraynadan deyil, Gürcüstandan da çıxmalıdır – Zurabişvili

Rusiya təkcə Ukraynadan deyil, Gürcüstandan da çıxmalıdır – Zurabişvili

“Rusiya sərhədlərinin harada olduğunu öyrənməlidir”.

Modern.az xəbər verir ki, bunu Gürcüstan Prezidenti Salome Zurabişvili “Bloomberg” agentliyinə müsahibəsində bildirib.

O qeyd edib ki, Rusiyanın Ukraynaya qarşı genişmiqyaslı müharibəsinin diplomatik həllinə Abxaziya və Cənubi Osetiyadan rus qoşunlarının çıxarılması məsələsi də daxil edilməlidir.

“Gürcüstan məsələləri müzakirə edilməlidir, heç kim Rusiyanın bütün işğal olunmuş ərazilərdən geri çəkilmədən bu müharibənin həll edilə biləcəyini düşünməməlidir”, – xanım Zurabişvili deyib. Onun sözlərinə görə, Rusiya müharibəni tam şəkildə olmasa da, artıq praktiki olaraq uduzub.

“Əgər Qərb Rusiyadan işğalçı qoşunların tamamilə çıxarılmasını tələb etməsə, o zaman böyük səhvə yol verəcək – 2008 və 2014-cü illərdəki kimi”, – Gürcüstan Prezidenti əlavə edib.

Həmçinin oxuyun

Putin: Navalnını Qərb ölkələrində saxlanılan rusiyalılarla dəyişməyə razılaşmışdım, amma o öldü

Rusiya Prezidenti Vladimir Putin həbsxanada vəfat edən Aleksey Navalnın mübadiləsinə razılıq verdiyini söyləyib. Bu barədə …